كيفية وطريقة تحضير وطبخ طاجين الجبن

من طرف **Admin** الإثنين يوليو 08, 2013 4:38 pm

السلام وعليكم ورحمة الله

اليكم وصفة سهلة و بنينة و بسيطة خفيفة خاصة في شهر رمضان

كيفية وطريقة تحضير وطبخ طاجين الجبن 139703210

المقادير :

5الى 6 بصلات مقشرين
2 صدر دجاج يمكن كويس
ملح حسب الرغبة
2مغارف صغار قرفة مرحية
1مغرف صغرة فلفل اكحل
3مغارف كبار و نصف زبدة
ماء للتمريق
3بيض
جبن تاع الميزان ننصحكم بنوع mon lit

طريقة التحضير

قطعي البصل شرائح رقيقة شكل هلال وحطيهم في كسرول وضيفي الملخ و الزبدة خلطيهم مليح و حطيهم على نار هادية حتى تدبال البصلة ضيفي الدجاج المقطع الى مكعبات صغار
ضيفي الفلفل الاكحل و القرفة و كاس ماء و نصف
غطي عليها حتى تنقاس كمية الماء زيدي كمية اخرى من الماء مقدار كاس حركي مليح و واصلي على هذه الطريقة حتى تصبح البصلة شبه مرحية و الجاج طاب
طفي النار و جيبي مول للفرن ادهنيه بالزبدة حطي الموق الي طاب كسري البيض في فرغات بدون تحيك باش يبقاو سليمين قطعي الجبن الى شرائح و غطي المول من فوق وحطيها طيب حسب الفرن كي تشوفي البيض طاب اخرجيها

شهية طيبة ننصحكم تجربوه الي يدوقو يعجبو بنيننننن بزافففف

رمــــــــــضان كريم

للمزيد من الاكلات يرجى زيارة : مدونة ابداع الاجزائرية